Plantun de Prouvènço

Pèr coumpara dos planto d'encò nostre

Polypodium vulgare & Sagina apetala subsp. erecta

Regalisso-bastardo

Polypodium vulgare

Polypodiaceae

Àutri noum : Regalisso-de-chivau, Regalisse-bastard, Poulipòdi.

Nom en français : Polypode commun.

Descripcioun :
La regalisso-bastardo trachis au nostre subretout en mountagno sus sòu séusous. I'agrado li roucas e li bos fres. Pèr la bèn destria de sa cousino, Polypodium interjectum, faudrié regarda lis espourange au microuscope (x 100) pèr verifia que i'ague mai de 11 celulo à l'assiso mecanico. Pamens lis espourange devènon madur l'estiéu eici alor que pèr P. interjectum, es en autouno. De nouta tambèn qu'aquesto assiso èi mai sourno eici (fotò-sèmblo un vèrme brun).

Usanço :
La regalisso-bastardo tèn soun noum de soun rizoumo (fotò) qu'a lou goust de la regalisso. Tastas ! Es uno planto vertuouso contro lou tussi, lou quiéu tapa e li vèrme. Peréu èi diuretico e coulagogo.

Port : Pichoto planto lignouso
Taio : 10 à 30 cm
Fueio : Foundo
Tipe bioulougico : Emicriptoufite
Cicle bioulougico : Planto renadivo

Gènre : Polypodium
Famiho : Polypodiaceae

Ordre : Polypodiales

Coulour de la flour : Ges de flour
Petalo : ges
Ø (o loungour) flour : Ges de flour
Flourido : Estiéu

Sòu : Si
Autour basso e auto : 0 à 2300 m
Aparado : Noun
Juliet à setèmbre

Liò : Roucas - Bos fres
Estànci : Coulinen à Subaupen
Couroulougi : Éurasiatico
Ref. sc. : Polypodium vulgare Shivas, 1961

Sagino(-aubourado)

Sagina apetala subsp. erecta

Caryophyllaceae

Nom en français : Sagine dressée.

Descripcioun :
Pichoto planto (2-10 cm) sènso péu, quàsi sènso petalo emé de fueio primo. Se tèn bèn drecho, emé de flour sus de long pecou. La subsp. erecta a si sepalo que s'escarton dóu boursèu (fotò). I'agrado li relarg séusous e trepeja, coume li calado, entre li code. Coumpara emé la sagino-rebaladisso que trachis en ribo d'aigo, o emé la sagino-sènso-petalo que li sepalo rèston aplicado contro lou boursèu e vèn dins li relarg sablous primàri.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 3 à 15 cm
Fueio : óupousado
Tipe bioulougico : Teroufite
Cicle bioulougico : Planto de l'an

Gènre : Sagina
Famiho : Caryophyllaceae

Ordre : Caryophyllales

Coulour de la flour : Brunello
Petalo : 4
Ø (o loungour) flour : 4 à 5 mm
Flourido : Printèms - Estiéu - Autouno

Sòu : Si (Ca)
Autour basso e auto : 0 à 1200 m
Aparado : Noun
Mai à óutobre

Liò : Escoumbre e proche dis oustau - Tepiero seco - Trepadou
Estànci : Termoumediterran à Mountagnard
Couroulougi : Paleoutemperado
Ref. sc. : Sagina apetala subsp. erecta F.Herm., 1912

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

CCC

Polypodium vulgare & Sagina apetala subsp. erecta

ges

RRR

Coumpara Regalisso-bastardo emé uno autro planto

Coumpara Sagino(-aubourado) emé uno autro planto